Ամենաօգտակար ամառային ըմպելիքները

Բացի ջրից, օրգանիզմն իր ջրային բալանսն ապահովում է նաեւ այլ աղբյուրներից: Ամառվա տապին իսկական փրկություն են ամեն տեսակ ըմպելիքները, որոնք եւ համեղ են, եւ օգտակար:

Հյութեր. առաջարկում ենք հատկապես լոլիկինն ու գազարինը: Լոլիկի հյութին վերջերս գիտնականներն անգամ հակաքաղցկեղային հատկանիշներ վերագրեցին: Իսկ այ գազարի հյութը նպաստում է երիտասարդացմանն ու գեղեցիկ արևայրուքին: Այն ունի արտահայտիչ հակավարակիչ, մաքրող, դիմադրողականությունը կարգավորող ազդեցություն: Գազարի հյութը հիանալի է նաեւ տեսողության համար:

Թեյ. փորձեք թեյ պատրաստել կեչու տերևներից, եղինջից, խնկունուց: Նրանք լավ են ազդում նյութափոխանակության վրա և օգնում վերացնել ավելորդ կիլոգրամները: Կանաչ թեյը պակասեցնում է ստամոքսի քաղցկեղի հավանականությունը և դանդաղեցնում վատորակ բջիջների աճը: Տաք եղանակին այն անփոխարինելի է հիպերտոնիայով տառապողների համար: Կոճապղպեղով թեյը օգնում է նյութափոխանակության հետ կապված խնդիրների կարգավորմանը:

Լորամրգու (կլյուկվա) մորս. Լորամրգին հայտնի է իր սննդային և բուժիչ հատկություններով: Այն օգտագործում են ինչպես ջերմիջեցնող, այնպես էլ որպես պարզապես զովացնող միջոց: Այս հյուսիսային մրգով ըմպելիքը պայքարում է լնդերի հիվանդությունների դեմ, օգնում պայքարել վարակների դեմ:

Կեֆիր. այս ընպելիքը նպաստում է կալցիի, ֆոսֆորի, ցինկի կլանմանը, նվազեցնում է խոլեստերինի մակարդակը: Նաև օգնում է խրոնիկ հոգնածության դեմ պայքարում: Հիանալի հագեցնում է ծարավը:

Հարցեր, պատասխաններ, մեկնաբանություններ